Bledi Çuçi: Nuk ka lider tjetër veç Edi Ramës për ta bërë Shqipërinë

Teksa ftoi qytetarët të votojnë për socialistët më 25 Prill, drejtuesi i PS për Gjirokastrën Bledi Çuçi, deklaroi se nuk ka lider tjetër veç Edi Ramës që mund ta bëjë Shqipërinë.

Ai u shpreh se një epokë e re po lind për vendin dhe më në fund po vendoset besimi te politika si një garanci për të vijuar atë rrugëtim që është nisur 7 vite më parë.

“Më në fund e kemi kuptuar ju dhe ne që një epokë e re po lind për Shqipërinë dhe Gjirokastrën dhe më në fund po vendoset besimi te politika që është garanci e jashtëzakonshme që të vazhdojmë këtë rrugëtim që kemi nisur bashkë.

Gjirokastra nuk ka alternativë tjetër përveç PS-së. Merrini miqtë dhe kolegët të votojnë më 25 Prill. Nuk ka lider tjetër veç Edi Ramës për ta bërë Gjirokastrën dhe Shqipërinë”, deklaroi ai.